झापा । झापाका १५ वटै स्थानीय तहका सामुदायिक तथा संस्थागत बिद्यालयका शिक्षकहरुलाई एकदिने तालिम प्रदान गरिएको छ ।
नेपाल अंग्रेजी भाषा शिक्षक संघ (नेल्टा) झापा शाखाको आयोजना तथा संगम बुक्स प्रकाशन प्रालि काठमाडौंको प्राविधिक सहयोगमा शुक्रवार बिर्तामोडमा कक्षा–११ को अंग्रेजी विषयको नयाँ पाठ्य पुस्तक र पाठ्यक्रम सम्बन्धि एकदिने अन्तरक्रिया कार्यक्रम भएको हो ।
झापाका एकसयवढि शिक्षकहरुको सहभागीता रहेको तालिमको सहजीकरण लेखक मोहनसिंह साउदले गरेको थिए ।
संघका झापा शाखाका अध्यक्ष धर्मेन्द्र भट्टराईको अध्यक्षतामा भएको उद्घाटन कार्यक्रममा बिर्तामोड नगरपालिका शिक्षा उपसचिव तिलचन भण्डारीको आतिथ्यता रहेको थियो । स्वागत संघका झापा शाखाका उपाध्यक्ष केशव मैनालीले गरेको कार्यक्रमलाई सचिव टीकाप्रसाद सुवेदीले सञ्चालन गरेका थिए ।
