धरान राउण्ड टेबल २६ ले धरान १७ स्थित सम्यक शिक्षा आधारभूत विद्यालयमा फिल्टर सहितको खानेपानी ट्याङ्की सहयोग गरेको छ ।
विद्यालयलाई ५० हजार बराबरको फिल्टर सहितको खानेपानी धारा सहयोग गरिएको अध्यक्ष आशिष अग्रवालले जानकारी दिए । सोही अवसरमा सम्पूर्ण विद्यार्थीलाई एक दिनको खाजासमेत प्रबन्ध गरिएको छ ।
एएसपीए चेयरमेन राउण्ड टेबल इन्टरनेश्नलका सिद्धान्त गुप्ताको प्रमुख आतिथ्यतामा भएको कार्यक्रममा धरान राउण्ड टेबल २६ का सचिव कृष्ण अटलले कार्यक्रम सञ्चालन गरेका थिए ।
सो अवसरमा नेपाल राउण्ड टेबलका उपाध्यक्ष आनन्द बहेती, नेपाल राउण्ड टेबलका एरिया दुई संयोजक साकेत मरस्का, राउण्ड टेबल नेपालका नेशनल सम्पादक स्वतन्त्र नेभतियाको आथित्यता रहेको थियो ।
कार्यक्रममा धरान राउण्ड टेबलका निर्वतनमान अध्यक्ष लक्ष्मीकान्त वियानी, भूतुपूर्व अध्यक्ष विवेक अटल र अन्य पदाधिकारीहरुको पनि उपस्थिति रहेको थियो ।
