धरान । धरान आर्दश बोर्डिङ माविमा कक्षा १२ मा अध्ययरत होटल म्यानेजमेन्ट तथा व्यवस्थापन संकायका विद्यार्थीहरूलाई सातदिने शैक्षिक भ्रमणका लागि आज प्रस्थान गरिएको छ ।
देशका विभिन्न स्थानमा भ्रमण गराइने कार्यक्रम रहेको आर्दशका प्रिन्सिपल लोकेन्द्र श्रेष्ठले जानकारी दिए । उनका अनुसार जनकपुरधाम, पोखरा, मुस्ताङ हुँदै चितवनसम्मको भ्रमण रहने छ । त्यसमा विद्यार्थीहरूलाई नेपालको पाँच तारे होटलमा अभ्याससहितको भ्रमण गराइँदै छ ।
माविले हरेक वर्ष कक्षा १२ मा अध्ययन गर्दै आएका विद्यार्थीलाई भ्रमण गराउने गरेको छ । विद्यार्थीहरूलाई तारे होटलको सुविधा, त्यहाँको हस्पिटालिटीलगायतको बारेमा जानकारी गराइँदै आएको छ । चैत १५ गतेसम्म भ्रमण कार्यक्रम तय गरिएको छ ।
