विजयपुर । ओसो ट्रेनिङ सेण्टर धरानले आयोजना गरेको मैत्रीपूर्ण फुटसल प्रतियोगितामा प्याब्सन धरान च्याम्पियन बनेको छ ।
शनिबार धरान–१५ स्थित बिग फुटसलमा सम्पन्न मैत्रीपूर्ण प्रतियोगिता एनप्याब्सन धरान द्वितीय भएको छ भने आयोजक ओसो सेण्टरको समूह तृतीय बनेको छ ।
प्रतियोगितामा प्रथम, द्वितीय र तृतीय हुनेलाई नेपाल फिजिकल टे«निङ एसोसिएसनका क्षेत्रीय अध्यक्ष पर्वत राईले पुरस्कार प्रदान गरे । प्रथम हुनेले ट्रफी, प्रमाण–पत्र र ६ किलोग्रामको भाले प्रदान गरिएको छ । प्रतियोगिताका संयोजक दिवस राईका अनुसार दोस्रो हुनेले ट्रफी, प्रमाण–पत्र र फुटबल प्राप्त गरेका छन् भने तृतीय हुनेलाई प्रमाण–पत्र प्रदान गरिएको छ ।
प्रतियोगितामा इष्टु धरान, सुनचाँदी व्यवसायी सङ्घ, टिचर युनाइटेड हात्तीसार, अमर पोलिक्लिनिक धरानको उपस्थिति रहेको ओसो ट्रेनिङ सेण्टरका प्रबन्धक पारुहाङ तुम्बाहाम्फेले जानकारी दिए । उनले भातृत्वको विस्तार र स्वास्थ्यका लागि पनि राम्रो भएकाले प्रतियोगिता आयोजना गरेको बताए ।
