धरान । झापामा प्रहरीले जुवा खेलिरहेको अवस्थामा पाँच जनालाई नियन्त्रणमा लिएको छ ।

झापाको बुद्धशान्ति गाउँपालिका–४ स्थित झोडामा जुवा खेलिरहेको अवस्थामा पाँच जनालाई बुधबार राति पक्राउ गरिएको हो ।

स्थानीय तुलसा ओलीको घरमा कौडा खेलिरहेको अवस्थामा घरधनीसहित पाँचजनालाई नियन्त्रणमा लिएको जिल्ला प्रहरी कार्यालय झापाले जनाएको छ ।

प्रहरीले विशेष सूचनाको आधारमा उनीहरूलाई नियन्त्रणमा लिई अनुसन्धान अगाडि बढाएको छ । प्रहरीले उनीहरूको साथबाट ४७ हजार ५ सय रुपैयाँसहित १६ थान कौडा बरामद गरेको छ ।