विराटनगर । विराटनगरमा जारी दोस्रो संस्करणको ‘प्याब्सन विराट कप’ फुटबल प्रतियोगितामा दुईवटा स्कुल सेमिफाइनलमा पुगेका छन् ।
प्याब्सन विराटनगरले आयोजना गरेको प्रतियोगिता अन्तर्गत बुधबार सम्पन्न भएको क्वार्टर फाइनल खेलमा डनबस्को र अपर्ण स्कुल सेमिफाइनलमा पुगेको हो ।
पहिलो खेलमा मोडर्न एरा स्कुललाई १–० गोलले हराउँदै डनबस्को स्कुल सेमिफाइनलमा पुगेको छ । जितको लागि डनबस्को स्कुलका विधान भण्डारीले गरेको निर्णायक गोलले सेमिफाइनल यात्रा सुरक्षित बनाएको हो ।
दोस्रो खेलमा पूर्वाञ्चल विद्या सदनलाई २–० गोलले पराजित गरी अपर्ण स्कुल सेमिफाइनलमा पुगेको हो । जितको लागि अपर्णका अविशेक मगर र पर्वत घिमिरेले १–१ गोल गरेका थिए । आज (बिहीबार)देखि सेमिफाइनल खेलहरू सुरु हुनेछन् ।
पहिलो खेल सेन्टजोसेफ र मदरल्याण्ड स्कुलबीच हुनेछ । आजै हुने दोस्रो खेल डनबस्को र अपर्ण स्कुलबीच हुने खेल संयोजक नन्दलाल मण्डलले जानकारी दिए ।
