धरान । झापामा बोलेरो गाडीको ठक्करबाट एकजनाको ज्यान गएको छ ।
जिल्ला प्रहरी कार्यालय झापाका अनुसार झापा कमल गाउँपालिका–५ का ४० वर्षीय चन्द्रबहादुर राईको मृत्यु भएको हो । उनलाई मङ्गलबार राति साढे १० बजेतिर पूर्व–पश्चिम राजमार्गअन्तर्गत कमल गाउँपालिका–४ सीतापुरीमा ठक्कर दिएको थियो । मे.१ ज १९४२ नम्बरको बोलेरो गाडीले ठक्कर दिँदा उनको घटनास्थलमै ज्यान गएको थियो ।
ठक्करपश्चात् बोलेरो चालक फरार रहेका थिए । चालक इलाम नगरपालिका–२ का ३२ वर्षीय पेम्बा तामाङलाई प्रहरीले झापाको बिर्तामोड बसपार्कबाट नियन्त्रणमा लिएको जनाएको छ ।
