धरान । ताप्लेजुङको मैवाखोला गाउँपालिकामा ट्याक्टर दुर्घटना हुँदा एकजनाको घटनास्थलमै ज्यान गएको छ ।
मृत्यु हुनेमा फक्ताङ्लुङ गाउँपालिका–३ का सञ्जीव तामाङ रहेका छन् । तामाङ ट्याक्टरका सह–चालक हुन् । चालक कुसन लिम्बू भने फरार छन् ।
बिहीबार राति मैवाखोला गाउँपालिका–१ तेल्लाबुङतर्फ बालुवा लिएर जाँदै गरेको को.२ त ७८७७ नम्बरको ट्याक्टर दुर्घटना भएको जिल्ला प्रहरी कार्यालय ताप्लेजुङले जनाएको छ । जिल्ला प्रहरी कार्यालय ताप्लेजुङका प्रवक्ता इन्स्पेक्टर कुशराम कार्कीका अनुसार चालक मिक्वाखोला गाउँपालिका–१ का चालक कुसन लिम्बूको खोजी कार्य भइरहेको प्रहरीले जनाएको छ ।
