उपप्रधान तथा गृहमन्त्री नारायणकाजी श्रेष्ठ आज अस्पतालबाट ‘डिस्चार्ज’ भएका छन्। बाँसबारीस्थित सहिद गङ्गालाल हृदय केन्द्रमा उपचार गरिरहेका छन्। मन्त्री श्रेष्ठ स्वास्थ्यलाभ पछि डिस्चार्ज भएका गृहमन्त्रालयका प्रवक्ता नारायणप्रसाद भट्टराईले जानकारी दिएका छन्।
उपप्रधानमन्त्री उपचारमा संलग्न रहेका डा.अरुण मास्केसहितको चिकित्सक टोली, नर्स र सहिद गङ्गालाल राष्ट्रिय हृदय केन्द्रका निर्देशकलगायत अस्पताल परिवारप्रति मन्त्रालयले आभार प्रकट गरेको छ ।यही मङ्सिर १९ गते केन्द्रमा भर्ना भएका उनको मुटुको एन्जियोप्लास्ट गरिएको थियो।
मन्त्री श्रेष्ठको उपचारमा केन्द्रका चिकित्सक मास्केसहितको चिकित्सकको टोलीले उपचार गरेको थियो। मन्त्री श्रेष्ठलाई स्वास्थ्यलाभको कामना गर्न अस्पतालमा प्रधानमन्त्री पुष्पकमल दाहाल (प्रचण्ड), राष्ट्रियसभाका अध्यक्ष गणेशप्रसाद तिमिल्सिना, पूर्वराष्ट्रपति विद्यादेवी भण्डारीलगायत पुगेका छन्।
