महेन्द्रनगर/सुनसरी जिल्लास्तरीय वादविवाद प्रतियोगिता सम्पन्न भएको छ ।‘छोरीलाई दाइजोभन्दा शिक्षा दिनु आवश्यक’ भन्ने शीर्षकमा भएको प्रतियोगितामा धरानको सैनिक आवासीय महाविद्यालयकी छात्रा आशा गुरुङ पहिलो, सुनसरी गार्डेन एकेडेमीका सफल पोखरेल दोस्रो, पूर्वाञ्चल उच्च माविकी सलिना मगर तेस्रो भएकी छन् ।
प्रतियोगितामा जिल्लाका २१ वटा विद्यालयका छात्रछात्रा सहभागी थिए । नेपाल रेडक्रस सोसाइटी सुनसरी जिल्ला शाखाको आयोजनामा प्रतियोगिता भएको थियो ।जुनियर रेडक्रस सोसाइटी मुनविन एकेडेमीका अध्यक्ष अभिषेक चौधरीको अध्यक्षतामा सम्पन्न कार्यक्रममा प्रमुख अतिथि जिल्ला शाखा सुनसरीका उपसभापति तथा जुनियर रेडक्रस संयोजक डम्बरप्रसाद सिग्देल थिए ।
