विजयपुर/मिक कम्प्युटर प्रालिले यो वर्षपनि ५ सय २५ जना विद्यार्थीलाई कम्प्युटरसम्बन्धी विभिन्न कोर्ष निःशुल्क पढाउने भएको छ ।
बाइस वर्ष अघिदेखि कम्प्युटरसम्बन्धी शैक्षिक कार्यक्रमहरु सञ्चालन गर्दै आएको मिक कम्प्युटर प्रालिले अहिलेसम्म हजारौं विद्यार्थीलाई कम्प्युटरसम्बन्धी सीप प्रदान गरेको प्रालिका अध्यक्ष राजकुमार थोप्राले जानकारी दिए ।
निम्न आयस्तर भएका विद्यार्थीलाई लक्षित गरी वार्षिक रुपमा सञ्चालन भइरहेको निम्न आयस्तर भएका विद्यार्थीहरुलाई निःशुल्क कम्प्युटर शिक्षा दिने कार्यक्रम माघ १६ गतेबाट शुरु हुने थोप्राले बताए ।
स्वीट नेपालको आर्थिक सहयोग र मिक कम्प्युटर प्रालिको प्राविधिक सहयोगमा तीन महिनासम्म सञ्चालन हुने कार्यक्रममा वेसिक, हार्डवेयर, डिटीपी, डाटाबेस मल्टिमिडिया, ग्राफिक्स डिजाइन, सर्भर नेटवर्किङ जस्ता कोर्ष निःशुल्क र सहुलियतमा पढाइ हुने थोप्राले जानकारी दिए ।
