महेन्द्रनगर/ ग्रामीण भेगका तीन पत्रकारलाई सुनसरीको महेन्द्रनगरमा सम्मान गरिएको छ । ब्लाष्ट टाइम्स दैनिकका महेन्द्रनगर प्रतिनिधि बिमला घिमिरे, चतराका प्रतिनिधि विजय राई र कोशी सम्मान साप्ताहिकका सम्पादक हिरण्य कार्कीलाई सम्मान गरिएको हो ।
फ्लो टिम र द न्यु जेनेरेशन महेन्द्रनगरले उनीहरुलाई सम्मान गरेको हो ।‘दुव्र्यसनविरुद्ध हाम्रो अभियान’ भन्ने नाराका साथ महेन्द्र उच्चमाविको प्राङ्गणमा लाइभ म्युजिकल इभेन्ट सम्पन्न भएको थियो । सोही अवसरमा उनीहरुलाई सम्मान गरिएको हो । कन्सर्टमा एम.सि.फ्लो, लाउरे, उर्जा ब्यान्ड, गरिमा डान्स, सेभेन रिभर्ज, एक्स डक एक्सट्रिमस्ट र स्थानीय कलाकारको प्रस्तुति रहेको थियो ।सागर देवानको संयोजकत्वमा सम्पन्न कार्यक्रममा प्रमुख अतिथि नेपाली काङ्गे्रसका महासमिति सदस्य रेवतिरमण दुलाल थिए ।
विशेष अतिथि महासमिति सदस्य अनु गुरुङ, बाबुराम विष्ट, जिल्ला सदस्य मुना अधिकारी, महेन्द्रनगरका इन्स्पेक्टर दुर्गाप्रसाद अधिकारी लगायत उपस्थित थिए । कार्यक्रममा गोलाप्रथाद्वारा पाँचजनालाई आई सिनेमाको निःशुल्क टिकट र एकजनालाई सामसुङ ग्यालेक्सी जे टु मोबाइल सेट महेन्द्रनगर–४ का राजेश राईले प्रदान गरेका थिए ।
