धरान/धरान–१२ स्थित धरान मेघा कलेजले प्रथम वर्षका विद्यार्थीलाई स्वागत र चौथो वर्षका विद्यार्थीहरुलाई विदाई गरेको छ ।
[caption id="attachment_28912" align="alignnone" width="1024"]
विद्यार्थी स्वागत तथा विदाई कार्यक्रममा सहभागी अतिथिहरु । तस्बिरः ब्लाष्ट/भोजराज श्रेष्ठ[/caption]
शनिबार रत्ना इन होटलमा कार्यक्रम गर्दै स्वागत तथा विदाई कार्यक्रम गरेको हो । त्यस्तै वार्षिक खेलकुदमा सहभागी विद्यार्थीहरुलाई पुरस्कार वितरण गरिएको कलेज प्रमुख हेमन्त भण्डारीले बताए । कार्यक्रमको प्रमुख अतिथि पूर्वाञ्चल क्षेत्रीय परीक्षा कार्यालयका लेखा प्रमुख रामराजा श्रेष्ठ, महेन्द्र क्याम्पसका प्रा.डा. अशोकुमार झा, प्याब्सन सुनसरी उपाध्यक्ष अनुप योञ्जनलगायतले पुरस्कार वितरण गरे ।
कार्यक्रममा नृत्य तथा गायनमार्फत अतिथिहरुलाई मनोरञ्जन गराइएको थियो । सञ्चालक समितिका अध्यक्ष सूर्य अधिकारीको सभापतित्वमा भएको कार्यक्रममा मोडल कलेजका क्याम्पस प्रमुख प्रविण राई, महेन्द्र क्याम्पसका प्राध्यापक राजेश विद्रोहीलगायतको उपस्थिति रहेको थियो ।
