म्याग्दी/म्याग्दीको हिस्तानका दुई बालक विद्यालयबाटै बेपत्ता भएका छन् ।
हिस्तानको मण्डली प्राविको कक्षा ४ मा पढ्ने १० वर्षीय राजकुमार बिक र ८ वर्षीय सुवास रन्तिजा मंगलबार दिउँसोदेखि बेपत्ता भएका हुन्।
दिउँसो १ बजे छुट्टीको समयमा विद्यालयबाट निस्किएका उनीहरु अहिलेसम्म फेला नपरेको आदर्श मावि, रीमा स्रोतकेन्द्रका स्रोतव्यक्ति भरतकुमार पुनले जानकारी दिए ।
विद्यालय पोसाक र झोलासहित रहेका उनीहरु घर नगएपछि अभिभावक र शिक्षकले प्रहरीमार्फत् खोजी गरिरहेका छन् ।
खोजी गर्नेक्रममा उनीहरुले मंगलबार साँझ पर्वतको मल्लाज, लामाखेतमा रहेका आफन्तकहाँ झोला राखेको पाइएको छ ।
तर, उनीहरुको अवस्था पहिचान हुन नसकेकाले प्रहरीमार्फत् खोजी तीव्र पारिएको स्रोतव्यक्ति पुनले बताए ।
