आष्ट्रेलिया/ हिन्दी म्युजीक भिडियोलाई टक्कर दिने नेपाली म्युजीक भिडियो तथा सर्ट मुभिहरु बन्न थालेका छन् । त्यति मात्र हैन नेपाली युवाहरुले अब नेपाली म्युजीक भिडियो र सर्ट मुभिहरुलाई अन्तराष्ट्रिय क्षेत्रमा समेत प्रतिस्प्धी बनाउन लागि परेका छन् ।
प्रसंग हो आष्ट्रेलियाको । रिंग सुवेदी र पुकार भुपाल सिंह यतिबेला अष्टेलियाको गोल्ड कोष्टमा छन । गोल्ड कोष्टमा बसेर उनीहरुले विभिन्न म्युजिक भिडियो तथा सर्ट मुभीहरु निर्माण गरिरहेका छन ।
उनीहरुले लाष्टबेन्च फिल्म प्रोडक्सन प्राली मार्फत विभिन्न म्युजिक भिडियो तथा सर्ट मुभीहरु बनाउदै आएका हुन । उनीहरुले यसपाली भने विदेशीलाई लिएर नया भिडियो बनाएका छन । उक्त भिडियो युटुवमा रिलिज गरेका छन । यसलाई सम्भवत क्वीन्सल्याण्डको पहिलो इङलिस म्युजिक भिडियो मान्न सकिन्छ ।
जसमा नेपाली काष्ट र क्य्रुहरुले काम गरेका छन ।यस म्युजिक भिडियोलाई रिग सुवेदी र पुकार भुपाल सिंहको निर्देशन रहेका छन । लाष्टबेन्च फिल्मको प्रोडक्सनले यसको निर्माण गरेको हो ।
यस म्युजिक भिडियोका निर्देशक पुकार भन्छन ‘कन्टेन्ट इज अलवेज द किङ’ । यसका साथै अब अर्को नेपाली म्युजिक भिडियो र नेपाली म्युजिक सर्ट मुभीको तयारी सुरु हुने उनी बताउछन ।
यो सँगै नेपाली म्युजीक भिडियो तथा सर्ट भुमिहरु अन्तराष्ट्रिय बजारमा छरिन थाल्ने छन भने पुस्ता सुहाउदो सामाग्रि उत्पादन हुने छ ।
