नयाँदिल्ली / बलिउड नायिका करिश्मा कपूरका पूर्वपति सन्जय कपूरले तेस्रो विवाह गरेका छन् । यही १३ अप्रिलमा प्रिया सचदेव नामका एक मोडेलसँग सन्जयले विवाह गरेका हुन् ।
चाँडै नै उनीहरुले न्यूयोर्कमा रिसेप्सन पार्टीको आयोजना गर्दैछन् । गतबर्ष पति सन्जयको प्रिया नामका मोडेलसँग सम्बन्ध रहेको भन्दै नायिका करिश्माले पतिसँग सम्बन्धविच्छेड गरेकी थिइन् ।
सन्जयको परिवार यो विवाहलाई गोप्य राख्न चाहन्थे र विवाहको तस्वीर समेत वाहिर ल्याउन चाहेका थिएनन् ।
सन्जयको तेस्रो विवाह
सन्जय कपूरको यो तेस्रो विवाह हो । करिश्मा कपूरसँग विवाह गर्नुपूर्व पनि सन्जयको डिभोर्स भइसकेको थियो । अहिले विवाह गरेकी प्रिया एक व्यवसायीकी छोरी हुन् । प्रियाको पनि यो दोस्रो विवाह हो । सन्जय र प्रियाको लभ अफेयर्स विगत पाँच बर्षदेखि रहेको हल्ला थियो ।
प्रियाले यो भन्दा पहिले चर्चित होटल व्यवसायी विक्रम चटवालसँग विवाह गरेकी थिइन् । उनी लन्डन स्कूल अफ इकोनोमिक्सका विद्यार्थी हुन् ।
करिश्माको सम्बन्धविच्छेडको कारण प्रिया हुन त ?
सन्जय कपूरसँग करिश्माले सम्बन्धविच्छेद गर्दा प्रिया नामका महिलासँग पतिको नजिकको सम्बन्ध भएको कारण देखाएकी थिइन् ।
करिश्माले सन्जयको विरुद्ध सेक्सन ४९८ ए अनुसार मानसिक यातना दिएको भन्दै मुद्दा दर्ता गराएकी थिइन् । करिश्माका अनुसार प्रिया र उनकी छोरी सन्जय कपूरको घरमा बस्दै आएको र सँगसँगै विदा मनाइरहेको करिश्मा लेबताएकी थिइन् ।
