इटहरी/सुनसरीको पकलीमा प्रहरीले दुई युवालाई पेस्तोलसहित पक्राउ गरेको छ । को २८ प ५७७० नम्वरको मोटरसाइकलमा सवार प्रेमकुमार राई र अमित सिंहलाई अटोमेटिक पेस्तोल, तीन राउण्ड गोली र दुई वटा म्याग्जीन सहित पक्राउ गरेको इलाका प्रहरी कार्यालय पकलीका प्रहरी निरिक्षक शान्तिराम कार्कीले जानकारी दिए । शनिबार दिउँसा सवा २ बजेतिर सवारी चेक जाँचका क्रममा उनीहरु पक्राउ परेका हुन् । मोरङको सुन्दरदुलारी ६ घर भएका ३३ वर्षीय राई र मोटरसाइकल पछाडि बसेका इटहरी ६ बज्राहाका अहित सिंहले भारतीय सिमाबाट ६० हजार रुपैयाँमा पेस्तोल किनेको प्रहरीलाई प्रारम्भिक वयान दिएका छन् । प्रहरी निरिक्षक कार्कीका अनुसार उनीहरुको साथबाट म्यागजिन २ वटा तीन राउण्ड गोली र अटोमेटिक पेस्तोल बरामद गरिउको हो । पक्राउ परेका राई ज्यान मार्ने उद्योगबाट ५ वर्ष सजाय तोकी भुक्तान गर्दै गर्दा गएको संविधान दिवसको दिन इलाम कारागारबाट छुटेको बताइएको छ । उनीहरुलाई हात हतियार खरखजना अन्तरग मुद्धा चलाउने तयारी भइरहेको पनि पकली प्रहरीले जनाएको छ ।