बिराटनगर महानगरपालिका ६ स्थित सत्यनारायण स्कुल अगाडी भारतीय नम्बरको मोटरसाईकल अनियन्त्रित भई दुर्घटना हुँदा एक जनाको ज्यान गएको छ भने एक जना गम्भीर घाईते भएका छन्।
कोशी राजमार्गमा उत्तरबाट दक्षिणतर्फ जाँदै गरेको बिआर. ३८ एन. ७१९५ नम्बरको मोटरसाईकल आँफै अनियन्त्रित भई बिहान ६ बजे दुर्घटना भएको थियो।
दुर्घटनामा परी मोटरसाईकल चालक भारत खाजुरी ७ बस्ने बर्ष १८ को सोरभ कुमार चौधरी र पछाडी सवार निजकै बुबा बर्ष ४५ को पुनम चौधरी घाईते भएका थिए।
घाईते मध्य गम्भीर बनेका पुनमको उपचारकालागी कोशी अंचल अस्पताल बिराटनगर लैजादै गर्दा बोटोमा नै मृत्यु भएको जिल्ला प्रहरी कार्यालय मोरङले जनाएको छ। चालकलाई प्रहरीको नियन्त्रनमा राखिएको छ।
