भद्रपुर । झापाको क्षेत्र नम्बर ४ बाट बाम गठबन्धनका लालप्रसाद साँवाले बिजय हाँसिल गरेका छन् । साँवाले लोकतान्त्रिक गठबन्धनका देउमान थेवेलाई भारी मत अन्तरले पराजित गर्दै जित हाँसिल गरेका हुन् ।
साँवाले ४३ हजार ५ सय १५ छन् भने उनका प्रतिष्पर्धी थेवेले २६ हजार ८ सय २२ मत प्राप्त गरे । साँवाले प्रतिष्पर्धी भन्दा १६ हजार ६ सय ९३ मत बढी ल्याएको निर्वाचन कार्यालयले जानकारी दिएको छ ।
यसैगरी सोही क्षेत्र अन्तर्गतको प्रदेश सभा १ मा पनि बाम गठबन्धनकै झलकसिंह दर्लामीले बिजय हाँसिल गरेका छन् । उनी नेकपा माओवादी केन्द्रका केन्द्रिय सदस्य हुन् । उनले १७ हजार २ सय ५६ मत ल्याएका छन् भने उनका निकटम प्रतिद्धन्दी नेपाली कांग्रेसका किरण भट्टराईले १२ हजार ४ सय ८१ मत ल्याएका छन् । आयोगले सो क्षेत्र मा पर्ने प्रदेश नम्बर २ को परिणाम भने सार्वजनिक गरेको छैन । आज बेलुका साँझ सम्म झापामा प्रत्यक्षतर्फका सबै मत परिणाम सार्वजनिक हुन सक्ने बुझिएको छ ।
