ताप्लेजुङ । ताप्लेजुङको याङवरक गाउँपालिकामा एक घरमा आगलागि हुँदा तीन लाख बराबरको क्षति भएको छ । याङवरक गाउँपालिका ५ बस्ने पदम लाल तिम्सिनाको फुसको छानो भएको एक तले घरमा मंगलबार बेलुका आगलागी भएको हो ।
बेलुका करीव सवा ५ बजे अचानक भएको आगलागीबाट तिम्सिनाको एक तले घर, घर भित्र रहेको अन्नपात, भाँडावर्तन, लत्ताकपडा, गाईगोठ र मतान घर समेत जलेर नष्ट हुँदा २ लाख ७८ हजार मुल्य बराबरको क्षति भएको जिल्ला प्रहरी कार्यालय ताप्लेजुङले जनाएको छ । आगो प्रहरी र स्थानीयको सहयोगमा पूर्ण रुपमा नियन्त्रणमा आएको प्रहरी चौकी थुम्बेदिनले जनाएको छ ।
