मितेरी बैंकद्वारा विद्यार्थीलाई स्वेटर

धरान/धरानको मितेरी विकास बैंकले धरान–१६ को भगवति निमाविका १२५ विद्यार्थीहरुलाई स्वेटर प्रदान गरेको छ । [caption id="attachment_65659" align="alignnone" width="830"] तस्बिरः भाेजराज श्रेष्ठ[/caption] बैंकले सामाजिक उत्तरदायित्व अन्तर्गत बिहीबार स्कुलका विद्यार्थीहरुलाई स्वेटर प्रदान गरेको हो । सामुदायिक स्कुल भगवतिमा सुकुम्बासी वस्तीका बच्चाहरुहरुले अध्यापन गर्ने गरेका छन् । विद्यार्थीहरुलाई धरान उपमहानगरकी निमित्त प्रमुख मञ्जु भण्डारी सुवेदी, बैंकका अध्यक्ष अजितनारायणसिंह थापा, कार्यकारी प्रमुख तुलसीप्रसाद वस्तीलगायतले विद्यार्थीहरुलाई स्वेटर वितरण गरे । स्कुलका प्रधानाध्यापक गुणनिधि तिम्सिनाले बैंकलाई धन्यवाद ज्ञापन गरे । धरानबाट स्थापित बैंकले पूर्वमा १४ वटा शाखाहरु स्थापना गरिसकेको छ । बैंकले हरेक वर्ष सामाजिक उत्तरदायित्व अन्तर्गत विभिन्न सामग्रीहरु वितरण गर्ने गरेको छ । बैंकले करिव ६० हजार मूल्य बराबरको स्वेटर स्कुलका विद्यार्थीहरुलाई प्रदान गरेको सञ्चालक समितिका सदस्य किशन मास्केले बताए ।