नेपाली चलचित्र क्षेत्रमा लामो समयदेखि यस क्षेत्रमा आवद्ध कति कलाकारहरु छन् जसले भने जस्तो लोकप्रियता र चर्चा कमाएका छैनन् । तर मात्र दुई चलचित्रको सफलताले अहिलेकी हट केक र चर्चित बनेकी भाग्यमानी नायिका हुन् साम्राज्ञी ।
ड्रिम्स र ए मेरो हजुर २ को सफलताले रातारात स्टार बनेकी साम्राज्ञी त्यती बिवादमा नआएकी नायिका हुन् तर पछिल्लो समय दुई काण्डले भने केही आलोचित बन्न पुगिन् । संबेदनशिल अंगमा खोपिएको ट्याटु काण्ड र गाउँले रोल मन पर्देन भन्ने अभिव्यक्ति दिएको भन्दै उनी धेरैको आँखाको तारो बनिन् ।
हुन त उनले यी दुबै प्रसंगको स्पष्टीकरण दिईसकेकीछिन् । तर पनि हिजो तिमी संगको टे«लर रिलिज कार्यक्रममा उनले यी दुब कुरामा प्रश्नहरुको सामना गर्नु पर्यो । ट्याटु काण्ड र गाउँले रोल मन पर्देन भन्ने प्रसंगमा उनी मिडियाप्रति निकै आक्रोसित बनेकी थिईन् ।
ट्याटु वाला फोटो आफुले सार्वजनिक नगरेको तर गल्तीबस आर्टिष्टले अनुमतीबिना सार्वजनिक गरेको बताईन् । मिडियाले उक्त कुरालाई नचाहिदो किसिमले बढाई चढाई गरेकोमा उनको गुनासो थियो ।
कार्यक्रममा बोल्दै उनले भनिन् “मिडियाले खास कुरा नबुझि समाचार लेखेको छ । सानो कुरालाई ठुलो बनाइदिनु भयो । जुन जरुरी थिएन । ’ त्यस्तै गाउँले रोल आफूले गर्दिन् कहिले नबनेको उनको भनाइ छ । भन्छिन् ‘कलाकार भएको नाताले मैले सबै खालको भूमिका गर्न सक्नु पर्छ । जय भोलेको लागी मसँग कुरा भएको थियो । कथापनि पढे तर समय अभावको कारण मैले गर्न नपाएको हो “।
आफुलाई अशोक शर्माको चलचित्रको कथा एकदमै मन परेको तर समय मिलाउँन नसक्दा छाड्नु परेको उनको भनाई थियो । कतिसम्म भने उनले यसबारेमा अझै बुझ्न अशोक शर्मासंग बुझन पनि उनले आग्रह गरेकी थिईन् । हाल साम्राज्ञी ‘कायरा’ र ‘इण्ट मिण्टु लण्डनमा’ को काममा व्यस्त छिन् । अब उनी ‘तिमी संग’ को प्रमोसनमा जुट्नेछिन् ।
