भद्रपुर । झापाको भद्रपुर ८ स्थित करोडौको लागतमा सुविधा सम्पन्न पारिवारिक होटल उड्ल्याण्ड सञ्चालनमा आएको छ । झापा भन्दा वाहिरी शहरमा जानुपर्ने वाध्यतालाई मध्यनजर गर्दै होटल सञ्चालनमा आएको हो ।
पैसा भएरपनि खर्च गर्न नपाएर वसेका उपभोक्तालाई आफ्नो ठाउँमा रमाइलो गराउने उदेश्य लिएर सुरु गरिएको सञ्चालक विवेक राइले बताएका छन् । चन्द्रगढी वजार मुल्य अनुसार सेवा दिइने होटलमा स्विमिङ्ग पुल , सना वाथ, जीम ,स्वास्थ्य क्षेत्रका विभिन्न हेल्थ क्लवको सुविधा रहेको सञ्चालक राईले जनाएका छन् । नजिकै रहेको विमानस्थलका कारण तथा छिमेकी राष्ट्र भारतका नागरिकको बढी आगमन भइरहेको अवस्थामा सुविधा सम्पन्न होटल नभएको आवश्यक्तालाई ध्यानमा राखेर होटल सञ्चालनमा ल्याइएको उनको भनाई छ । होटलमा स्थानीय एवं राष्ट्रिय कलाकारद्धरा ग्राण्ड ओपनिङ्ग गरिएको थियो । होटलमा आएका उपभोक्ताले सन्तुष्टि लिएर जाने विश्वास लिएको उनको भनाइ छ । तीनवर्ष अघि निर्माण सुरु गरिएको निजी होटलले नोै कट्ठा क्षेत्रफल ओगटेको छ भने साढे ६ करोड लागतमा सम्पन्न भएको जनाइएको छ ।
