पथरी । इलाका प्रहरीकार्यालय पथरीले ट्याक्टर र अवैध सालको चिरान काठ सहित ३ जनालाई पक्राउ गरेको छ । ना ३ त ३६३१ नम्बरको ट्याक्टरमा बालुवाले छोपेर २४.९१ क्यू फिट सालका अवैध चिरान काठ ल्याउदै गर्दा कानेपोखरी – ७ स्थीत पूर्वपश्चिम लोकमार्गमा प्रहरीले पक्राउ गरेको हो । झापाको दमकबाट बेलबारी लैजाने क्रममा सुराकीको आधारमा मंगलबार पक्राउ गरेको इस्पेक्टर विजय श्रेष्ठले बताए । ट्याक्टर र काठ सहित प्रहरीले झापाको दमक नपा ३ बस्ने २१ बर्षिय अनिल लिम्बू, दमक नपा २, बेलडाँगी बस्ने ३२ बर्षिय सुमन राई, इलाम चुलाचुली गापा ६ बस्ने १६ बर्षिय मान बहादुर लिम्बूलाई पक्राउ गरी बेलबारी सेक्टर बन कार्यालयमा बुझाएको र थप अनुसन्धान भई रहेको इस्पेक्टर श्रेष्ठले बताए ।