‘कृ’ को “उकालीमा पछि-पछि” कपि काण्डपछि यस्तो बनेर आयो (भिडियो सहित)

मिलापत्रमा उल्लेख भए अनुसार गीतमा समाबेश उक्त दुई टुक्रा अंश उकालीमा पछिपछि ओरालीमा अघिअघि उक्त शब्दलाई काट्नु पर्ने थियो । सम्झौता बमोजिम निर्माण युनिटले आफनो गीतबाट उक्त शब्द हटाएको छ भने नयाँ भिडियो पनि समाबेश रिलिज गरेको छ । आजै अपलोड गरिएको नयाँ गीतको बोल ‘ढुकढुकी बढ्छ मेरो’ राखिएको छ भने भिडियोमा चल दृश्य नभई तस्बिरहरु राखिएको छ ।गीतको बाँकी अंश पुरानै रहेपनि ‘उकालीमा अघिअघि’ वाक्यको ठाउँमा ‘ढुकढुकी’ राखिएको छ ।

गीतमा अल्मोडा राना उप्रेती र सविन एकतारेको शब्द र अल्मोडाको स्वर तथा संगित रहेको छ । गीतका संगितकार अलमोडा राना उप्रेतीले यो गीत पहिले नै बनाएका थिए तर निर्माता भुवन केसीले आफनो अभिनय रहेको सम्झना चलचित्रमा समाबेश गीत उकालीमा पछिपछि भन्ने स्थायी राख्न अनुरोध गरेपछि निर्माण युनिटले ढुकढुकी बोलको साटो उकालीमा पछिपछि लाईन राख्न लगाएको थियो । शम्भु प्रधानसंग अनुमती नलिईकन गीत बनाएको कारण निर्माण युनिट आलोचित हुनु परेको थियो । पुरानो गीत भने युट्युवबाट हटाईएको छ ।