मोरङ/मोरङको बुढी गंगा गाउँपालिका-३ स्थित गोकुवा चोकमा शुक्रबार विहान ट्रकको ठक्करबाट एक साइकलयात्रीको मृत्यु भएको छ।
उत्तरबाट दक्षिणतर्फ जादै गरेको को १ ख ३०७२ नम्बरको मिनि ट्रकले साइकलमा सवार सुनसरी दुहबी भलुवा-६ बस्ने ३५ बर्षिय सत्य नारायण ऋषिदेवलाई ठक्कर दिदा उनको घटानस्थलमानै मृत्यु भएको हो। मृतकको शव कोशी अञ्चल अस्पतालमा राखीएको छ भने ट्रकका चालक इलाका प्रहरी कार्यालय निमुवाको नियन्त्रणमा छन्।
यस्तै मोरङकै रंगेली नगरपालिका-७ स्थित बिराटनगर-रंगेली सडक खण्डमा को २ ह १६५६ नम्बरको सिटी सफारीलाई ना ६ ख ६९९४ नम्बरको ट्रकले ठक्कर दिदा सफारीमा सवार मोरङ रंगेली नगरपालिका-७ बस्ने ४२ बर्षिय प्रमिला देवी साह र उनकै छोरी १८ महिना की केसिजा साह घाइते भएका छन्।
घाइते दुवैको सिद्धार्थ अस्पताल रंगेलीमा उपचार भइरेहको छ भने ट्रक र सफारी चालक इलाका प्रहरी कार्यालय रंगेलीको नियन्त्रणमा छन्।
