मोरङ/ मोरङको बेलबारीमा आइतबार राती म्याजिक भ्यान दुर्घटना हुँदा तीन जना घाइते भएका छन्।
बेलबारी नगरपालिका १० लक्ष्मीमार्गमा राती करिब १० बजे पूर्वबाट पश्चिमतर्फ आउदै गरेको मे १ च ४४६९ नम्बरको भ्यान अनियन्त्रित भई दुर्घटना हुँदा भ्यानका चालक चालक झापा शनिश्चरे बस्ने राज मोहमद (मध्यम), सोही ठाउँका कैसार मोहमद (मधयम) र धुलाबारी १० बस्ने अभिषेख मोहमद (मधयम) घाइते भएका छन। घाइते तीनै जनालाई उपचारका लागि नोबेल अस्पताल विराटनगर ल्याइएको छ।
यता बुढीगंगा गाउँपालिका ३ स्थित कोशी राजमार्गमा राती ९ बजेतिर बा २४ प ८२१५ नम्बरको मोटरसाइकले ठक्कर दिंदा साइकलयात्री सोही ठाउँका लगन सरदार घाइते भएका छन। घाइते सरदारको विराट मेडिकल कलेजमा उपचार भई रहेको छ।
यसैगरी रतुवामाई नगरपालिका ४ लारीकट्टामा भारतीय नम्बरको मोटरसाइकल दुर्घटना हुँदा सोही नगरपालिका ३ का असोक दास र दिनेश दास घाइते भएका छन। बिआर ३८ जे ५८२७ नम्बरको मोटरसाइकल दुर्घटनामा परी घाइते भएका दुबै दास दाजुभाईलाई उपचारका लागि गोल्डेन अस्पताल ल्याइएको छ।
