चक्रघट्टी । बराहक्षेत्रको चक्रघट्टीमा ग्रामीण पत्रकार समुहको आयोजनामा यस नगरमा क्रियाशिल पत्रकारिता गरिरहेका पत्रकारहरूलाई ५ दिवसिय फिचर लेखन तालिम मंगलबारबाट सञ्चालन भइरहेको छ । ग्रामिण पत्रकार समुहका अध्यक्ष बावुराम कार्कीको सभाध्यक्षमा सम्पन्न कार्यक्रममा प्रमुख अतिथि वराहक्षेत्र नगरपालिकाका प्रमुख निलम खनाल रहेका थिए । वराहक्षेत्र नगरपालिकामा कार्यरत विभिन्न पत्र पत्रिका अनलाईन, रेडियोमा कार्यरत १८ जना प्रशिक्षार्थीहरू रहेका छन् । उक्त तालिममा पत्रकार माहासंघ सुनसरी अध्यक्ष अमर खड्का, व्लाष्ट टाइम्स दैनिकका प्रवन्ध निर्देशक÷सम्पादक किशोर कुमार कार्की, कान्तिपुरका प्रदिप मेङवाङले प्रशिक्षण दिने आयोजक कमिटीले वताएको छ । यस नगरमा रहेर पत्रकारीता गरिरहेका क्रियाशिल पत्रकारहरू मध्ये सबैभन्दा उत्कृष्ट पत्रकारलाई सम्मान गर्ने व्यवस्था गर्न जरुरी रहेको वराहक्षेत्र नगरपालिकाकी उम–मेयर कमला मगरले वताएकी छिन् ।
