पाँचथरको कुम्मायक गाँउपालीकामा पाँचथरको सर्वाधिक पुरस्कार राशि रहेको दोश्रो कुम्मायक कुस्सायक गोल्डकप आजबाट सुरुभएको छ । आफ्नो पहिलो खेलमा आयोजक रानिगुफा सेवा समाज यासोकले विजयसुरुवात गरेको छ । भारतको जलपाइगुडी फुटबल क्लब लाइ १–० ले पराजित गरेको हो । आयोजकको जितमा हेमन्त दर्लानले बिजय गोल गरेका थिए ।
पृथ्बी मा.बिको खेल मैदानमा भएको खेलमा पाहुना टिम माथि आयोजक खेल अबधि भर हाबी भएका थिए । खेलको १५ मिनेटमा हेमन्तले गरेको गोलनै खेलको निर्याक गोल बन्यो । पहिलो प्रहार गोलरक्षकले क्लियर गर्न नसके पछि रिवाउन्डमा आएको बललाइ हेमन्तले सुन्दर गोल गरेका हुन । बिजयी गोल गरेका हेमन्त खेलको म्यान अफ दि म्याच हुदै नगद ५ हजार मेडल र ट्रफी हातपारे ।
आजबाट सुरु भएको प्रतियोगिता बैशाख २६ गते चल्ने छ । प्रतियोगितामा झापा , मोरङ ,रेडहर्स इलाम लगायत ८ टिमको सहागीता रहेको छ । प्रतियोगिताको बिजेताले उपाधि सहित नगद ३ लाख ११ हजार प्राप्त गर्दा उपबिजेताले १ लाख ५५ हजार प्राप्त गर्ने छन । शुक्रबारको खेल एकता फुटबल क्लब मोरङ बिरुद्ध पञ्चायन फुटबल क्लब सुनसरी बीच दिउसो २ बजे हुने आयोजक संस्थाले बताएको छ ।
