धरान । सुनसरी र उदयपुरबाट प्रहरीले शुक्रबार लागूऔषधसहित ६ जनालाई पक्राउ गरेको छ।
सुनसरीको धरान उप-महानगरपालिका-१९ स्थित धनकुटे रोड बस्ने बस्ने ३७ बर्षिय मेदनी कुमार लिम्बुको कोठाबाट लागूऔषध, नगद तथा अन्य सामान बरामद भएको छ।
इलाका प्रहरी कर्यालय धरानबाट खटिएको प्रहरीको टोलीले लिम्बुको कोठामा लागूऔषध बिक्री बितरण हुदैछ भन्ने सुचना प्राप्त भएपछी बेलुका १० बजे चेकजाँच गर्ने क्रममा उनको कोठाबाट लागूऔषध एभील-५० एम्पुल, डाईजोलाप- ५० एम्पुल, लुपिजैसीक-५० एम्पुल, र नगद ४७ हजार ८ सय ६० रुपैयाँ, ल्याबटप १ थान, आईफोन १ थान, सामसोङ मोबाईल १ थान, जेटीई १ थान, बरमाद भएको हो।
बरामद लागूऔषधसहित मेदनी कुमार लिम्बु, सोही ठाउँका ३४ बर्षिय प्रकाश लिम्बु, २५ बर्षिय सुरज राई, र २८ बर्षिय हेमन्त राईसमेत ४ जना लाई नियन्त्रणमा लिई थप अनुसन्धान भइरेहको छ।
यसैगरी उदयपुरको त्रियुगा नगरपालिका-६ लालपत्ता चोकबाट प्रहरीले ना ४ च २४७७ नम्बरको गाडीबाट उदयपुर त्रियुगा नगरपालिका-१० बस्ने विबेक पौडेल र सुजल राउतको साथबाट लागूऔषध डाइजोल्याब-१३ एम्पुल, फेनारगन-२३ एम्पुल, लुपिजेसिक-२ एम्पुल, सिरिन्ज २ थान बरामद गरेको छ।
साथै उनीहरुको साथबाट २ थान मोबाईल समेत बरामद भएको छ। पक्राउ परेका दुवैलाई जिल्ला प्रहरी कार्यालयमा राखीएको छ भने गडी र चालकलाई समेत नियन्त्रणमा लिई थप अनुन्धान भईरहेको छ।
