रंगेली/मिस प्रदेश १ सुन्दरी प्रतियोगीता ड्रिम्स वल्र्ड इन्टरटेन्टमेन्टले गर्ने भएको छ ।
झापा,मोरङ,सुनसरीको ६ वटा प्रमुख शहरबाट छनोट हुने प्रतियोगितामा १५ देखि २४ वर्ष उमेर समुहले भाग लिन पाउने आयोजकले जनाएको छ । छनौट असार १७ गतेबाट सुरुहुने आयोजक मध्येका प्रनित पुडासैनिले जानकारी दिए । प्रतियोगितामा प्रदेश १ का १४ वटै जिल्लाबाट प्रतियोगि सहभागि गराइने उनले जानकारी दिए । प्रतियोगितामा प्रथम हुनेले ५० हजार,दोश्रोलाई २० हजार र तेस्रोले १५ हजार नगद पुरस्कार पाउने आयोजकले जनाएको छ । विजयी प्रतियोगिलाई छात्रबृतिको समेत व्यवस्था रहेको आयोजकले जनाएको छ ।यसअघि ड्रिम्स वल्र्ड इन्टरटेन्टमेन्टले मिस मेचिको नाममा प्रतियोगिता संचालन गर्दै आएको थियो । मिस एसइइ प्रदेश १, २०१८ की विजयी स्नेहा संग्रौलाले यस्ता प्रतियोगीतालई अझै पनि हाम्रो समाजले नराम्रो नजरले हर्ने गरे पनि प्रतियोगिताले प्रतियोगीहरूकाे क्षमता विकासमा महत्वपुर्ण भुमिका हुने बताइन् ।
