मोरङ । सुन्दरहरैचा नगरपालिका ६ खदम खोलाबाट अवैध रुपमा नदीजन्य पदार्थ निकाल्ने ६ वटा ट्याक्टरलाई प्रहरीले नियन्त्रणमा लिएको छ। खोलाबाट अबैध रुपमा ढुंगा बालुवा निकाली ओसार्दै गरेको अवस्थामा को २ त ५३९४, को २ त २२७८, को २ त ७३३९, को २ त ३८०१, को २ त ५६७८ र को २ त ५९०७ नम्बरको ट्याक्टरलाई प्रहरी चौकी गछियाबाट खटिएको टोलीले बुधबार साँझ नियन्त्रणमा लिएको हो। बरामद ट्याक्टरहरु आवश्यक अनुसन्धान पश्चात कारवाहीका लागी सम्बन्धित निकायमा बुझाइनेछ।