धरान/छुरा प्रहार गर्ने समूहलाई धरान प्रहरीले नियन्त्रणमा लिएको छ ।
सोमबार राति धनकुटा स्थायी घर भएका धरान–१ बस्ने अमितकुमार राईलाई छुरी प्रहार गरी हत्या गर्ने समूहलाई मङ्गलबार प्रहरीले पक्राउ गरेको हो । इलाका प्रहरी कार्यालय धरानले छुरा प्रहारमा संलग्न मुख्य आरोपी धरान–१३ का आशिष राईलगायत सोही ठाउँका ६ जनालाई पक्राउ गरेको हो । पक्राउ पर्नेमा सन्तोष लिम्बू, कुलबहादुर सुनुवार, पुकार राई, कोकसिंह राई र जीवन राई छन् ।
उनीहरुमाथि कर्तब्य ज्यान मुद्दा दर्ता गरी थप अनुसन्धान अघि बढाइएको इप्रका धरानका डिएसपी रामेश्वर पौडेलले बताए । उनीहरुबीच धरान–१३ फुस्रेमा सोमबार राति झगडा भएको थियो । मृतक राईको उपचारको क्रममा बीपी कोइराला स्वास्थ्य विज्ञान प्रतिष्ठानमा मृत्यु भएको थियो । अर्को धरान–१३ का सुवर्ण राई घाइते बनेका थिए
