ब्लाष्टखबर । मोरङको विराटनगर महानगरपालिका-७ स्थित खाद्य गोदाममा ट्रकले किचेर सह-चालकको मृत्यु भएको छ ।
वुधवार दिउँसो १ बजे खाद्य गोदाम भित्र ना ५ ख ५८८८ नम्बरको ट्रक व्याक गर्ने क्रममा सोही ट्रकले किचेर सुर्खेत घर भएका ट्रकका सह-चालक २१ वर्षीय प्रज्वल नाम गरेका युवकको घटनास्थलमा नै मृत्यु भएको जिल्ला प्रहरी कार्यालय मोरङले जनाएको छ ।
घटनास्थलमा प्रहरीको टोली खटि गई कानूनी प्रकृया पूरा गरी शव पोष्टमार्टमका लागि कोशी अंचल अस्पताल विराटनगरपठाईएको छ भने ट्रकका चालक जिल्ला काभ्रे ज्याम्दी गाउँपालिका-१२ बस्ने बर्ष ३६ को बिनोद शाहीलाई नियन्त्रणमा राखिएको छ ।
