जिरोपोइन्ट । धरान–१५ मा आगामी चैत १४ र १५ गते लेट देवराज एण्ड गौरव मेरोरियल खुल्ला फुटसल टुर्नामेन्ट हुने भएको छ ।
‘से नो टु ड्रग्स’ भन्ने मूल नाराका साथ धरान– १५ को ग्याटिस गाइज फुटबल क्लबको आयोजनामा हुने उक्त टुर्नामेन्टको विजेताले टिमले नगद ७० हजार १ सय ११ रुपैयाँसहित ट्रफी, मेडल, प्रमाण–पत्र पाउने छन् भने उपविजेता टिमले नगद ३५ हजार १ सय ११ रूपैयाँसहित ट्रफी, मेडल र प्रमाण–पत्र पाउने छन् ।
त्यसैगरी व्यक्तिगत पुरस्कारतर्फ म्यान अफ दी फाइनलले पुरस्कारतर्फ १ हजार रुपैयाँ, हाइस्कोर तर्फ १५ सय रुपैयाँ, मोस्ट भ्यालुएबल प्लेयरलाई ३ हजार रुपैयाँ र बेस्ट किपरलाई १५ सय रुपैयाँ नगद पुरस्कार प्रदान गरिने बुधबार पत्रकार सम्मेलन गरी जानकारी गराइएको हो ।
खेलप्रति सर्वसाधारणको रुची अभिवृद्धि गर्नु, खेलको स्तर वृद्धि गर्नु, खेलाडी तथा प्रशिक्षकहरूको हकहित र कल्याणको लागि आवश्यक कार्य गर्नु टुर्नामेण्टको उद्देश्य रहेको क्लबका अध्यक्ष अनुप लिम्बूले बताए ।
उक्त टुर्नामेण्टमा प्रदेश–१ का विभिन्न जिल्ला र काठमाडौंबाट समेत फुटसल टिम सहभागी हुने आयोजकले जनाएका छन् ।
