धरान । धरान–५ स्थित डीपी बिलिभर्स इङ्लिस स्कुलमा वार्षिक खेल सप्ताह सोमबारदेखि सुरु भएको छ ।
विद्यार्थीहरूको चौतर्फी विकास गर्ने उद्देश्यले वार्षिक खेल सप्ताह सुरु गरिएको प्रिन्सिपल सञ्जीप बान्तवाले जानकारी दिए । कार्यक्रमको उद्घाटन धरान–५ स्थित वडा प्रहरी कार्यालयका प्रमुख सुन्दर बान्तवा राईले गरेका थिए । उनले खेल, स्वास्थ्य र अनुशासन विद्यार्थी जीवनको महत्वपूर्ण पक्ष रहेको बताए ।
सप्ताहव्यापी खेलकुदअन्तर्गत म्याराथन, अन्तर सदन टेबलटेनिस, चेस, फुटबल, ट्र्याक र फिल्ड प्रतियोगिता हुने खेल सप्ताह संयोजक वीरेन्द्र लिङ्देनले जानकारी दिए ।
कार्यक्रममा विद्यालयका उपप्रधानाध्यापक कुमित बान्तवा, जनसम्पर्क अधिकारी हेमराज गुरुङलगायतको उपस्थिति रहेको थियो ।
