वराहक्षेत्र । नव ज्योति समूह बराहक्षेत्र ४ कौवाखोजको आयोजनामा खुल्ला १ नम्बर प्रदेश पालिका स्तरीय खुल्ला पुरुष भलिबल प्रतियोगिता हुने भएको छ ।
फागुन २४ गतेबाट शुरु हुने प्रतियोगितामा भगवती आधारभुत विद्यालय बराहक्षेत्र ४, कौवाखोजको खेल मैदानमा हुने समुहका अध्यक्ष रोसन कटुवालले बताए ।
अध्यक्ष कटुवालका अनुसार प्रतियोगिता १ नम्बर प्रदेश भलिबल संघको सहकार्यमा हुनेछ । खेलमा प्रथम हुनेले १ लाख दोश्रोले ५० हजार र तेश्रो हुनेले ३५ हजार प्राप्त गर्नेछन् । यस प्रतियोगिताको संरक्षकमा बराहक्षेत्र नगरपालिका रहेको छ भने ४ नम्बर वडा कार्यालयको प्रायोजन रहने आयोजकले जानकारी दिएको छ ।
त्यसैगरी प्रतियोगितामा सहभागी हुनका लागि बराहक्षेत्रमा छनौट प्रक्रिया शुरु भएको आयोजक समुहका पप्पु भट्टराईले जानकारी दिए । उनका अनुसार आयोजकले आन्तरिक छनौट प्रक्रिया द्वारा ९ गते २२ जना खेलाडीहरुको नाम सार्वजनिक गरेको छ ।
छनौटमा परेका खेलाडी हरुलाई ११ गतेबाट १० दिने बन्द सत्र प्रशिक्षणमा राखेर उत्कृष्ट १२ जनाको टिम बराहक्षेत्र नगरपालिका लाई प्रतिनिधित्व गर्दै खुल्ला १ न। प्रदेश पालिका स्तरीय प्रतियोगिता ०७९ मा समावेस हुनेछ ।
