तिलक समारोहमा आगलागी,१३ जनाको मृत्यु

धरान–आगलागी भएको घरमा तिलक समहारोहका लागी आएका आफन्त र परिवारजनको जमघट रहेको एक घरमा आगलागि हुदा भारतमा १३ जनाको जलेर मृत्यु भएको छ । बिहारको औरंगावाद जिल्लामाको दाउदनगर प्रखंडस्थित तरार गाँउको हरिनगर टोलमा भएको आगलागीमा मृतकको संख्या बढ्न सक्ने बताईएको छ । दाउदनगरका एक सरकारी अधिकारी अशोक प्रसाले घटनाको पुष्टि गर्दै झण्डै सय जना भन्दा धेरै घाईते भएको जनाएका छन् । घरका मुख्य ढोकाबाट आगलागी भएकाले तिलक समारोहमा रहेका हरु बाहिर निस्कन नपाएको समाचारहरुमा जनाईएको छ । आगलागी शुक्रबार दिउँसो तीन बजे लागेको जनाइएको छ । आगलागीको कारणबारे केही खुल्न सकेको छैन । घटनाबारे थप अनुसन्धान जारी रहेको जनाईएको छ । आगोलागीलानी नियन्त्रणमा लिन बिहारका सरकारी संयन्त्रहरु परिचालन गरिएको छ ।