गर्भवतीलाई मोबाइलबाटै जानकारी

इलाम/गर्भवतीले कुन–कुन समयमा गर्भको परीक्षण गराउने, कहिले खोप लगाउने भन्नेलगायत सम्पूर्ण विषयमा अब उनीहरूले मोबाइलबाटै जानकारी पाउने भएका छन् । मोबाइलबाट जानकारी पाउने मात्र होइन, गर्भ जाँच गर्ने समय र सुत्केरी हुने मितिसमेत मोबाइलबाटै थाहा पाइने भएको छ । जिल्लामा पहिलोपटक गर्भवतीका लागि घर–घरमै मोबाइल सेवा पु¥याउने उद्देश्यले यहाँका २७ गाविसमा ‘मोबाइल हेल्थ’ कार्यक्रम सञ्चालन गर्न लागिएको हो । जिल्ला जनस्वास्थ्य कार्यालयको सहकार्यमा करुणा फाउन्डेसन नेपालले यहाँका गाविसमा गर्भवतीका लागि यो सेवा सञ्चालन गरेको हो । शिशु र आमा दुवैको स्वास्थ्य राम्रो होस्, अपाङ्गता हुन नपाओस् भन्ने उद्देश्यले महिला स्वास्थ्य स्वयम्सेविकाबाट गर्भवतीको गर्भ दर्ता गर्न थालिएको हो ।