लेखा अधिकृत भवानी निरौलासमेत भेटिएनन् । उनको कार्यकक्ष पनि उस्तै अवस्थामा भेटियो । एक दिनको छुट्टीमा गएको कुरा प्रशासनतर्पmका सहायक व्यापार अधिकृत गणेश निरौलाबाट थाहा भयो । हाकिमसमेत सञ्चारमन्त्रीको कार्यक्रममा गएको उनले पुष्टि गरे । कार्यालय प्रमुख घिमिरेले आधिकारिक पत्र आएको र विभागअन्तर्गतकै कार्यक्रम रहेकोले आपूm कार्यक्रममा पुगेको बताए । ‘हाम्रो विभाग भएको र निमन्त्रणासमेत आएकाले कार्यक्रममा गएको हो ।’
|
एडीएसएल सेवामा सेवाग्राहीलाई सास्ती एडीएसएल सेवाको गुनासो लिएर धरान–१७ की सङ्गीता लिम्बू टेलिकम धाएको पाँचपटक भइसक्यो । त्यै पनि हालसम्म उनले सेवा पाएकी छैनन् । उल्टै राउटर बिग्रिएको र तारमा गडबडी भएको वा जोडाइमा समस्या आएको भन्दै कर्मचारीहरुबाटै खप्की खाइन् । १२ दिनमा धरान–१९ की इसु राई चारपटक टेलिकम पुगिसकिन् । राउटर नै बोकेर उनी टेलिकम पुगे पनि काम बन्न सकेको छैन । ‘यहाँ ठीकै छ भनेर भन्नुहुन्छ । उता लगेर चलायो, चल्दै चल्दैन’, उनले भनिन्, ‘आजसम्म चारपटक आइसकेँ ।’ इन्टरनेट नचलेको भन्दै टेलिकम पुग्नेहरुको सङ्ख्या अहिले दैनिक ५० भन्दा बढी हुने गरेको कर्मचारी स्वयम् बताउँछन् । ‘चट्याङ परेको बेला त त्यसभन्दा धेरै आउँछ ।’ कर्मचारी भन्दै थिए ।टेलिकमले एडीएसएल सेवा दिए पनि समयमा मर्मत नगरिदिँदा सास्ती पाउनेमध्येका धरान–७ का गोकर्ण सुवेदीसमेत हुन् । उनले दुई महिनाअघि नै एडीएसएल बन्द गराएका छन् । भन्छन्, ‘महिनामा सात दिनसम्म पनि मुस्किलले नेट आउँछ । मर्मतको लागि भन्यो सुनुवाइ नै हुँदैन । त्यै भएर अहिले बन्द नै गराइदिएँ ।’ एडीएसएल सेवाबाट सास्ती पाउने उनीहरु प्रतिनिधि पात्र मात्रै हुन् । टेलिकमकै कर्मचारीका अनुसार मर्मत र चुस्त सेवा दिन कसैलाई चासो हुँदैन । ‘हाकिमलाई डुल्दा नै ठीक छ । अरुलाई मतलब हुँदैन’, तल्लो तहका एक कर्मचारीले नाम नछाप्ने शर्तमा भने, ‘सेवाग्राहीहरुले पटकपटक भन्दासमेत वास्ता गरेको पाइँदैन ।’ एडीएसएलमा गुनासो आउने कुरा भने प्रमुख घिमिरेले स्वीकारे । एडीएसएलमा पनि रिचार्जमा आउने समस्याको समाधान शाखाबाट हुन नसक्ने भएकाले केन्द्रीय कार्यालयबाट काम हुन केही समय लाग्ने बताए । तर अन्य कार्यहरुमा समयमै मर्मत–सम्भार गरिरहेको उनले दावी गरे । |
