धरान/प्रजातन्त्र दिवसको अवसर पारेर आउँदो फागुन ६ गते रिलिज गर्न लागिएको फिल्म ‘मेरो देश’ को अफिसियल गीत रिलिज भएको छ । सार्वजनिक गीतमा अभिनेत्री निशा अधिकारी र अभिनेता प्रज्ज्वल गिरी फिचरिङमा छन् ।गीतले काठमाडौँबाट तराई झरेकी युवतीको कथा बोल्छ । सार्वजनिक गीतमा मधेश र पहाडको सम्बन्ध गाढा बनाउन तराई झरेर माया लगाएका युवायुवतीको कथा झल्काइएको छ । गीतमा बीबी अनुरागीको सङ्गीत छ भने अप्सरा देवकोटा र रुपक चौधरीले स्वर दिएका छन् ।रवीन्द्र बरालको कोरियोग्राफी रहेको यो गीतलाई किरणराज थापाले सम्पादन गरेका हुन् । फिल्मका निर्देशक देव नेपाल हुन् । ‘मेरो देश’ मा आयुष रिजाल, एलिजा प्रधान, ध्रुव कोइराला, नीर शाहलगायतका कलाकारहरूसमेत मुख्य भूमिकामा छन् ।