१. हार्टफोर्ट विश्वविद्यालयमा मास्टर्स गर्दै गरेकी तिआना नोटिस नामकी युवतीलाई उनका भूपू प्रेमीले १८ पटक बढी छुरा प्रहार गरी हत्या गरे । आफ्नो रोमान्टिक सम्बन्ध समापन गरेर पढाइमा केन्द्रित हुन सोचेकी तिआनालाई उनका प्रेमीले सम्बन्ध नतोड्न दबाव दिएका थिए । तिनै युवकको त्यस्तो जिद्धीको कारण युवतीका परिवारले सिसिक्यामेरा घरमा सुटुक्क जोडेका थिए । सोही क्यामेराले तिआनालाई हत्या गरेको भिडियो सार्वजनिक ग¥यो । सन् २००९ को भ्यालेन्टाइन डेको दिन उक्त अपराध घटेको थियो ।
२. अमेरिकाको ओहिओ राज्यका प्रेमी हेनरी ब्र्राउनलाई उनकी किएरा रिड नामकी प्रियसीले भ्यालेन्टाइन उपहार नल्याएको झोँकमा भान्साबाट चक्कु ल्याएर प्रहार गर्न पटक–पटक प्रयास गरिन् । आफ्नै प्रियसीबाट असुरक्षित प्रेमीले प्रहरी बोलाएपछि मात्रै स्थिति साम्य भएको थियो ।
३. विश्वविख्यात एकखुट्टे धावक भएर नाम र दाम कमाएका दक्षिण अफ्रिकाका ओस्कार प्रिटोरियसले २०१३ को भ्यालेन्टाइन डेकै दिन आफ्नै प्रेमिका तथा दक्षिण अफ्रिकाकी टप मोडल रिभा स्टेनकाम्पलाई ढोका थुनेर गोली हानी हत्या गरे । यस घटनाले ओस्कारका सबै पदकहरु मात्रै खोसिएको छैन । उनी हाल पाँचवर्षे जेलजीवनसमेत कटाइरहेका छन् ।
४. अमेरिकाको भर्जिनिया राज्यकी क्यासी टोर्टोनको गर्भ रह्यो । गर्भको समस्याबाट सजग गराउँदै उनका माइकेल फिस नामक प्रेमीले गर्भपतन गराउन आग्रह गरे । प्रेमिका टोर्टोनले मानिनन् । माइकेलले नमानेपछि आफ्नो सातमहिने प्रेम त्यागे । ब्रेकअपबाट तनावमा परेकी टोर्टोनले ठूलो परिमाणका औषधि मात्रै खाइनन् आफ्नो कुहिनो काटेर प्रेमीलाई फोटो पठाइन् ।
५. ट्रान्सफर्मरजस्तो चर्चित चलचित्रका नायक सिया लाबेओफलाई सन् २०१४ मा बलात्कार गरिएको समाचारले सनसनी छायो । आफ्नो अपार्टमेण्टमा एक्लाएक्लै भेट्दा आफूलाई एक युवतीले बलात्कार गरेको सियाले सार्वजनिक गरेका थिए ।
६. आफ्नो ससुरालीमा बस्दै आएका अमेरिकाको इलिनोइस राज्यका नथान ल्युथहोल्डले आफ्नै श्रीमती डेनिसलाई गोली हानी हत्या गरे । सन् २०१३ को भ्यालेन्टाइन डेको दिन घटेको उक्त घटना नथानले आफ्नो लगानीमा पढ्दै गरेकी आइना डोबिलोइट नामक लिथुआनियन युवतीसँग विवाह गर्नका लागि घटाएको प्रहरीको अध्ययनले देखाएको थियो ।
