उमालेको अण्डाको पानीको यो प्रयोग थाहा पाउँदा चकित हुनुहुनेछ

मास्टर्स गार्डेनर अफ हेमिल्टनद्वारा जारी गरिएको एक अध्ययनको रिपोर्ट अनुसार अण्डा उमालेपछि पानीमा केही यस्ता पोषक तत्व पाइन्छ जसले बोटबिरुवाको लागि मलको काम गर्दछ ।

अण्डाको बोक्रामा क्याल्सियम, पोटासियम र थोरै मात्रामा फोस्फोरस, म्यागनेसियम र सोडियम पाइन्छ । अण्डा उमाल्ने बेला यो तत्व पानीमा मिसिने गर्दछ । बोटबिरुवामा कोशिकाको विकासका लागि यी सबै तत्वको सबैभन्दा बढि आवश्यकता पर्दछ । यस्तोमा यदि तपाईं बोटबिरुवामा उमालेको अण्डाको पानी वा अण्डाको बोक्रा हाल्नुहुन्छ भने यसले मलको काम गर्दछ जसले बोटबिरुवाको विकास हुन सघाउँछ ।

बोटबिरुवालाई घर भित्र राख्नुहुन्छ भने त्यसले सूर्यको किरण पर्याप्त रुपमा पाउँदैन । यस्तो अवस्थामा बोटबिरुवाको विकास हुन पाउँदैन, इनडोर प्लान्टको राम्रो विकासका लागि उसिनेको अण्डाको पानी हाल्नुहोस् । विशेषगरी गोलभेंडा र खुर्सानीको बोट बिरुवाको लागि यो निकै उपयोगी हुनेछ ।