धरान/कलाकार प्रेम सुब्बाको निर्देशन रहेको नारीप्रधान चलचित्र तारेभीरको ट्रेलर र गीत सोमबार काठमाडौंमा रिलिज गरिएको छ ।
फिल्म असार २ गतेबाट देशभर प्रदर्शन हुन लागेको छ । यस अघि जेठ १९ गते आउने भनिएको भए पनि सोही दिन रातो घर आउने भएकाले फिल्मको रिलिज मिति सारिएको हो । फिल्म देशभरका ६० वटा हलहरुमा लाग्ने भएको छ ।
ट्रेलरसँगै फिल्ममा समाबेश तीन गीत पनि रिलिज गरियो । कार्यक्रममा वरिष्ठ कलाकार हरिवंश आचार्यलगायतको उपस्थितिमा रिलिज गरिएको हो । कलाकार आचार्यले सुब्बाले निर्देशनमा बनेको फिल्मले दर्शकलाई भरुपूर मनोरञ्जन दिने आशा व्यक्त गरे ।
नायिका रेखा फागोले यही फिल्मका लागि मार्सलआर्ट, अभिनय र नृत्यको प्रशिक्षण लिएकी थिइन् । रेखाका अलवा फिल्ममा विष्णु चेम्जोङ, नविन कार्की, रमेश सिंह, प्रेम सुब्बा, मञ्जु श्रेष्ठलगायत कलाकारको अभियन रहेको छ ।
