उदयपुर । उदयपुरको त्रियुगा नगरपालिका-३ बाट प्रहरीले शनिबार लागूऔषधसहित ५ युवकलाई पक्राउ गरेको छ।
पक्राउ पर्नेमा त्रियुगा नगरपालिका-३ बस्ने २४ बर्षिय मिथुन चौधरी, १९ बर्षिय ओम प्रकाश चौधरी, १७ बर्षिय दिबस लोहनी र २२ बर्षिय राकेश रोक्का रहेका छन्। प्रहरीले उनीहरुको साथबाट नाईट्रोजन ट्याप्लेट १८ पिस डाईजोल्याप ३ पिस, नगद ४ हजार ४ सय ३० रुपैँया तथा स ७ प ९१६३ नम्बरको मोटरसाइकल समेत बरामद गरेको छ।
उनीहरुलाई जिल्ला प्रहरी कार्यालय उदयपुरबाट खटिएको प्रहरिको टोलीले दिउँसो ३ बजेतिर पक्राउ गरेको हो। पक्राउ परेका सबैलाई सोही कार्यालयमा राखी थप अनुसन्धान भइरेहको छ।
यता सोही नगरपालिका बस्ने १८ बर्षिय उपेन्द्र साहको साथबाट प्रहरीले शनिबार साँझ ३९ पिस नाईटोजन ट्याब्लेट,स्पास्मोप्रोशिवन १६ पिस र ८० ग्राम गाँजासहित पक्राउ गरी जिल्ला प्रहरी कार्यालय उदयपुरमा राकीएको उक्त कार्यालयले जनाएको छ।
