संखुवासभा । संखुवासभाको पाँचखपन नगरपालिका-२ स्थित माथिल्लो दाहाल गाउँ बस्ने गंगा बहादुर कार्की घरमा मंगलबार आगलागी भएको छ।

साँझ ६ बजेतिर अचानक लागेको आगोले उनको ढुङगा माटोले बनेको तीन तले घर तथा सखुवाको काठ, भण्डार गरीएको रुद्राक्षको दाना लगाएत सम्पूर्ण सामान समेत जल्दा अन्दाजी २३ लाख बराबरको क्षति भएको बताइएको छ।

आगलागी प्रहरी चौकी वानाबाट खटिएको प्रहरीको टोली र स्थानिय मानिसहरुको सहयोगमा नियन्त्रणमा लिएको प्रहरीले जनाएको छ।