धनकुटा/ आपसी झगडामा कुटपिट भएपछि धनकुटा खाल्सा छिन्ताङ्ग सहिदभूमि गाउँपालिकाका यूवा बेपत्ता भएका छन् ।
गाउँपालिकाको थलथले र पिल्लेको सिमानामा रहेको पानीटारमा आपसी विवादका कारण २ समूहबीच भएको झगडामा वडा नं. ६ का ३८ वर्षीय प्रदिप९सागर० राई बेपत्ता भएका छन् ।
बेपत्ता भएका राईसँग रहेका ४ जना र अन्य ८ जनाको समूहबीच बुधबार बेलुका भएको झगडा भएको थियो । झडपपछि बेपत्ता भएका राईको मोबाइल र जुत्ता अम्रिसो घारीमा भेटिए पनि राई बेपत्ता रहेको प्रहरी चौकी थलथलेले जानकारी दिएको छ ।
बेपत्ता भएका राईका अन्य तीन साथीहरु सम्पर्कमा आए पनि अर्को समूहका कविराज राई र साजन राईलगायत सबै युवा फरार रहेका छन् । उक्त घट्ना गम्भीर हुन सक्ने थलथले प्रहरी चौकीका प्रहरी सहायक निरीक्षक धनपति विमलीले बताए । उक्त घटनामा संलग्न व्यक्तिको खोजी कार्य र अनुसन्धान भइरहेको छ ।
