झापा । झापाको गौरादह नगरपालिका १ स्थित सितापुरी चौकमा शुक्रबार दिउँसो ट्याक्टरको ठक्करबाट मोटरसाईकलमा सवार एक जनाको मृत्यु भएको छ।
भित्री सडक खण्डमा मे १ त ४५०१ नम्बरको ट्याक्टरको ठक्करबाट मे ८ प ४०७५ नम्बरको मोटरसाईकलमा सवार चालक गौरादह नगरपालिका १ बस्ने बर्ष २४ को भानु थापाको मृत्यु भएको हो।
दिउँसो २ बजे भएको उक्त दुर्घटनामा गम्भीर घाईते थापालाई उपचारकालागी लाईफ-लाईन अस्पताल दमक लैजाने क्रममा बाटोमा नै मृत्यु भएको इलाका प्रहरी कार्यालय दमकले जनाएको छ।
ठक्कर दिने ट्याक्टर र चालकलाई प्रहरीको नियन्त्रणमा राखिएको उक्त कार्यालयले जनाएको छ।
