मोरङको उर्लाबारी नगरपालिका ३ स्थित थापा चौकमा मोटरसाईकल अनियन्त्रित भई दुर्घटना हुँदा मोटरसाईकलमा सवार ३ जना घाईते भएका छन्।
राती ११; ५५ बजे भित्री बाटो अन्तर्गत सिरुझारबाट थापाचौक जाने क्रममा मोटरसाईकलमा सवार रहेका चालक सोही ठाउँका बर्ष १७ को अभिनास लिम्बु, सोही मोटरसाईकलको पछाडी सवार बर्ष १८ को जितेन धिमाल, र बर्ष १८ को निरज थापा घाईते भएका छन्।
उनीहरुलाई उपचारकालागी मोरङको बिराटनगर पठाईएको छ घाईते मध्य चालकको अबस्था गम्भीर रहेको प्रहरी चौकी मंगलबारेले जनाएको छ।
यता सुनसरीको ईटहरी उप-महानगरपालिका -१७ स्थित भवानी चौकमा मोटरसाईकल अनियन्त्रित भई दुर्घटना हुँदा मोटरसाईकलमा सवार ३ जना घाईते भएका छन्।
पूर्वबाट पश्चिम जाँदै गरेको को ३२ प ५३४३ नम्बरको मोटरसाईकल आँफै अनियन्त्रित भई दुर्घटना हुँदा मोटरसाईकलमा चालक सुनसरी ईटहरी १६ बस्ने बर्ष-२३ को किशोर चौधरी पछाडी सवार सवार सोही ठाउँ बस्ने वर्ष १७ को प्रकाश चौधरी र वर्ष २० को कर्ण चौधरी घाईते भएका हुन्।
उनीहरुको ईटहरीस्थित एपेक्स हस्पिटलमा उपचार भईरहेको छ।
