विर्तामोड । पूर्व पश्चिम राजमार्ग अन्तरगत झापाको बिर्तामोडमा यात्रु वाहक बस र ट्रिपर ठोकिदाँ १२ जना घाइते भएका छन् । दुई जनाको अवस्था गम्भिर रहेको जिल्ला ट्राफिक प्रहरी कार्यालय बिर्तामोडले जनाएको छ ।
घाइतेहरुको बिर्ता सिटी र बीएण्डसी हस्पिटलमा उपचार भइरहेको प्रहरीले जनाएको छ । बिर्तामोडस्थित चारपाने चोकमा बिहान पूर्बबाट पश्चिमतर्फ जाँदै गरेको मे १ ख १६४४ नम्बरको यात्रु बाहक बस र बिपरित दिशाबाट आउँदै गरेको ना ७ ख ७१९६ नम्बरको ट्रिपर एक आपसमा ठोकिदाँ दुर्घटना भएको थियो । विहान बाक्लो हुस्सुका कारण दुर्घटना भएको प्रहरीको अनुमान छ ।
